Package Tour

DAY 1 : ARRIVE NEW DELHI by 8M# (07:20 - 10:00)– AGRA                                               

ရန်ကုန်အပြည်ပြည်ဆိုင်ရာမင်္ဂလာဒုံလေဆိပ်သို့ မနက် (04:00) နာရီအရောက် ဂိတ်နံပါတ် (3) သို့ မိမိအစီအစဉ်ဖြင့် လာရောက်ရပါမည်။ လေဆိပ်တွင် မြန်မာ တိုးလီဒါ နှင့် အတူ  အိန္ဒိယနိုင်ငံ နယူးဒေလီမြို့သို့ အပြည်ပြည်ဆိုင်ရာ မြန်မာ လေကြောင်း ခရီးစဉ် 8M 620 (07:20/ 10:00) ဖြင့်ထွက်ခွာပြီးနယူးဒေလီမြို့သို့ ပျံသန်းရောက်ရှိ ပါမည်။ လေဆိပ်တွင် ဧည့်လမ်းညွန်မှ လာရောက်ကြိုဆိုပြီး နေ့လည်စာကို ဒေသတွင်း စားသောက်ဆိုင် တွင် သုံးဆောင်ပါမည်။ ထို့နောက် နယူးဒေလီမြို့လယ်တွင် တည်ရှိသော  ၄၂ မီတာ အမြင့်ရှိ INDIA GATE သို့ သွားရောက်လေ့လာ အမှတ်တရဓါတ်ပုံရိုက်ကူးပါမည်။ ဆက်လက်၍ President House နှင့် Parliament House တို့ကို ကားပေါ်မှနေ၍ လည်ပတ် ကြည့်ရှုမည်ဖြစ်ပါသည်။ ဆက်လက်၍ ဘာသာရေး၊ လူမျိုးရေး နောက်ခံ အရပ်ရပ်ရှိ ပြည်သူများ အတွက် ပရိ၀ုဏ်အတွင်း တရားထိုင်ရန်အတွက် အထူး ကောင်းမွန်သော ကြာပန်းပုံ သဏ္ဍာန် တည်ဆောက်ထားသော LOTUS TEMPLE သို့ သွားရောက် ဖူးမျှော် ပါမည်။ နယူးဒေလီမြို့မှ ၂၃၅ ကီလိုမီတာ အကွာ အဝေးတွင်ရှိသော  Agra (အဂရာ) မြို့သို့ ကားဖြင့်ထွက်ခွာပါမည်။ (ကားမောင်းကြာချိန် - 3 နာရီ ခွဲခန့် ကြာမြင့်ပါမည်) Agra ရှိ SAURA ဟိုတယ်တွင် Check – In ဝင်ရောက်ပါမည်။ စာကို Hotel တွင် အရသာ ရှိစွာ သုံးဆောင်ပြီးနောက် တစ်ညတာ အိပ်စက်အနားယူပါမည်။

DAY 2 : AGRA – NEW DELHI                                                                                     

ဟိုတယ်တွင်နံနက်စာသုံးဆောင်ပြီးနောက် ၁၆၃၁ မှ ၁၆၄၈ ခုနှစ်အတွင်း အဖြူရောင်စကျင်ကျောက်များဖြင့် တည်ဆောက် ထားသော   TAJ MAHAL  ဂူဗိမာန်သို့ သွားရောက်လေ့လာကြပါမည်။ ကမ္ဘာ့အံဖွယ်စာရင်းဝင် 7 Wonder of the  World တွင်တစ်ခု ပါဝင်တဲ့ စကျင်ကျောက် တုံးများဖြင့် ၁၇နှစ် ကြာတည်ဆောက်ထားတဲ့ ခမ်းနားထည်ဝါလှတဲ့  TAJ MAHAL  သည် အိန္ဒိယနိုင်ငံ၏ အထင်ကရ အဆောက်အဦးတွေထဲမှ အမွေအနှစ်လက်ရာတစ်ခုဖြစ်သောကြောင့် ရင်သပ်ရှုမောဖွယ် ကောင်းလှ ပါသည်။ အိန္ဒိယရိုးရာ ဆာရီများဝတ်ဆင်ပြီး အမှတ်တရ ဓာတ်ပုံရိုက်ကူးကြပါမည်။ ဆက်လက်ပြီး  AGRA FORT သို့ သွားရောက်လည်ပတ်ပါမည်။ AGRA FORT သည် အိန္ဒိယနိုင်ငံရှိ AGRA မြို့၏ သမိုင်းဝင် ခံတပ် တစ်ခုဖြစ်ပါသည်။ RED FORT ဟုလဲ လူသိများပါသည်။ Agra ခံတပ်သည် UNESCO ကမ္ဘာ့ အမွေအနှစ် နေရာ တစ်ခု လည်း ဖြစ်ပါ သည်။ Agra မြို့သည် ခံတပ်ကာရံထားသောမြို့ အဖြစ် ထင်ရှားကျော်ကြားပါသည်။ နေ့လည်စာကို Local Restaurant တွင် အရသာ ရှိစွာ သုံးဆောင်ပြီးနောက် နယူးဒေလီမြို့သို့ ပြန်လည်ထွက်ခွာလာပါမည်။ ထို့နောက် နယူးဒေလီမြို့ရှိ HOTEL ASHOK COUNTRY ဟိုတယ်တွင် Check-In ဝင်ရောက်ပါမည်။ ညစာ ကို ဟိုတယ် တွင် အရသာ ရှိစွာ သုံးဆောင်ပြီးနောက် အေးချမ်းစွာ အိပ်စက် အနားယူ ပါမည်။

DAY 3: NEW DELHI ~ SRINAGAR (BY FLIGHT) ~ SONAMARG

ဟိုတယ်မှ Breakfast Box ယူဆောင်ပြီး နောက် ကက်ရှမီးယားပြည်နယ်၏ မြို့တော် SRINAGAR သို့ ပြည်တွင်းလေကြောင်း လိုင်း ဖြင့်ထွက်ခွာ ပြီး (09:35~11:05) နာရီတွင် SRINAGAR လေဆိပ်သို့ ရောက်ရှိပါမည်။ နေ့လည်စာကိုဒေသတွင်း စားသောက်ဆိုင်တွင် သုံးဆာင်ပါမည်။ ဆက်လက်ပြီး Srinagar မြို့တော်၏ ထင်ရှား ကျော်ကြား သော NISHAT GARDEN နှင့် SHALIMAR GARDEN သို့သွားရောက်လည်ပတ်ပါမည်။ ဥယျာဉ်အတွင်း လှပသောဗိသုကာပုံစံများနှင့် ပန်းရောင်စုံများကို တွေ့မြင်နိုင်ပြီး အမှတ်တရ ဓါတ်ပုံရိုက်ကူး ပါမည်။ ထို့နောက်  Srinagar မြို့တော်၏ ကျူးလစ် ပန်းဥယျာဉ် သို့ သွားရောက်လေ့လလာပြီး လှပသော ပန်းလေးများနှင့် အမှတ်တရ ဓါတ်ပုံရိုက်ကူးပါမည်။ ပြီးနောက်“Dal Lake”တွင် Shikara Ride ခေါ် ရိုးရာ လှေကလေး စီးနင်း ကြပါမည်။ ညစာကို Hotel တွင် အရသာရှိစွာသုံးဆောင်ပြီးနောက် SONAMARG ရှိ ဟိုတယ်တွင် တွင် အိပ်စက်အနားယူပါမည်။ ညနေပိုင်းတွင် SONAMARG  သို့ထွက်ခွာပါမည် (ကားမောင်းချိန် နှစ်နာရီခန့် ကြာမြင့်ပါမည်)။

DAY 4: SONAMARG   ~ GULMARG                               

ဟိုတယ်တွင် နံနက်စာသုံးဆောင်ပြီးနောက် ပင်လယ်ရေမျက်နှာပြင် ၃၀၀၀ မီတာ အမြင့်တွင်ရှိသော SONAMARG မြို့ရှိ Sindh Valley တောင်ကြား သို့ သွားရောက်လည်ပတ်ပါမည်။ Sindh Valley သည် ကက်ရှိမီးယား အကြီးဆုံးသော ချိုင့်ဝှမ်းတစ်ခုဖြစ်ပါသည်။ Meadow of Gold ဟု ခေါ်တွင်သော SONAMARG သည် လှပသော နှင်းတောင်တန်းများနောက်ခံထားသော ပန်းချီကားတစ်ချပ်အလား လှပနေပါသည်။ (မိမိအစီအစဉ်ဖြင့် သီးသန့်ပေးဆောင်ပြီး မြင်းစီးနိုင်ပါသည်)။ နေ့လည်စာသုံး ဆောင်ပြီးနောက် GULMARG သို့ထွက်ခွာပါမည်။ ကားမောင်းချိန် ၃ နာရီခွဲခန့်ကြာမြင့်နိုင်ပါသည်။  ထို့နောက် GULMARG ရှိ ဟိုတယ်တွင်တစ်ညတာအိပ်စက်ကြပါမည်။

 DAY 5: GULMARG ~ SRINAGAR ~ NEWDELHI (BY Air)

ဟိုတယ်တွင် နံနက်စာသုံးဆောင်ပြီး GULMARG မြို့၏ လှပသော နှင်းတောင်တန်းများရဲ့ အလှတရားများနှင့် နှင်းဖြူဖြူများကြားရှိ စိမ်းစိုအေးချမ်းလှတဲ့ သစ်ပင်ပန်းပင်များရဲ့ အလှတရားများကို ပင်လယ်ရေမျက်နှာပြင် ၂၇၃၀ အမြင့်မှာရှိသော GULMARG  သို့ Cable Car ဆွဲဆောင်နိုင်ရုံသာမက အာရှရဲ့အရှည်ဆုံးနှင့် အမြင့်ဆုံး Cable Car ပေါ်မှ ကြည့်ရှုခံစားပြီး အခြား စိတ်လှုပ်ရှားဖွယ်ကောင်းသော Activity များဖြစ်သော (SKIING & SNOWBOARDING, ICE-SKATING, HELI-SKIING, SLAZING တို့ကို မိမိအစီအစဥ်ဖြင့် ဆော့ကစားနိုင်ပါသည်။) နေ့လည်စာ သုံးဆောင်ပြီးနောက် SRINAGAR လေဆိပ်သို့ပြန်လည်ပို့ဆောင်ပေးပြီး နေ့လည်စာသုံးဆောင်ပြီးနောက် Srinagar လေဆိပ်မှတဆင့် ပြည်တွင်း လေကြောင်းခရီးစဉ် ဖြင့် နယူးဒေလီသို့ပျံသန်းပါမည် (17:35~19:05) ။ နယူးဒေလီမြို့ရှိ  HOTEL ASHOK COUNTRY ဟိုတယ်တွင် Check-In ဝင်ရောက်ပြီး အေးချမ်းစွာ အိပ်စက် အနားယူ ပါမည်။

DAY 06: NEW DELHI DEPARTURE  BY 8M#621 (11:10-15:25)                                                          

ဟိုတယ်တွင် နံနက်စာသုံးဆောင်ပြီး အိန္ဒိယနိုင်ငံ နယူးဒေလီမြို့ မှ အပြည်ပြည်ဆိုင်ရာ မြန်မာ လေကြောင်း ခရီးစဉ် 8M 621 (11:10/ 15:25 )လေယာဉ်ဖြင့် ထွက်ခွာပြီး ရန်ကုန်အပြည်ပြည်ဆိုင်ရာ မင်္ဂလာဒုံ လေဆိပ်သို့ ပြန်လည်ရောက် ရှိပါမည်။

  **ပျော်ရွင်ဖွယ် ခရီးစဉ်ဖြစ်ပါစေလို့ “Sonic Star Travel” မှ ဆုမွန်ကောင်းတောင်းပေးပါတယ်ရှင့်**

Last updated 3 weeks ago